كان محمد كل ما ينزل من الخدمة ويكون الطقس برد وشتا متل هلق ، ما يقدر يقعد مع اخواتو ويستأنس حد الدفاية ، كل شوي يفوت لعندي على المطبخ ويسألني شو بدي ، يقلي ما خلصتي شغل شو بدي ساعدك قليلي انا بعمل يلي بدك ياه ، طيب روحي قعدي شوي ورتاحي انا بجلي عنك ، انا والله بعرف اشتغل ، كتير كان عندو احساس بالاخر ما بيقدر يرتاح ابداً ، مع انو الوقت يلي ينزل فيه من الخدمة على الاقل حقو يرتاح لان منعرف فوق كيف كانوا يعانوا من البرد والتعب والسهر بالحراسة ، بس محمد دايماً كان همو الاخرين ولا يوم فكر بنفسو..
- والدة الشهيد محمد جواد حجازي 'السيد باقر'
