للوهلة الأولى بتقول خسارة، يا ريت طوّلوا أكتر وحقّقوا اللي ببالهم، بترجع بتتذكر إنه هودي الناس مش لحدا، هودي الله اشتراهم.
يعني علي أشمر وصلاح غندور مثلاً لو كمّلوا للخمسين ما كانوا خربوا الدنيا؟ مبلا، بس لو ما في حدا دايماً عم يحمل غراضه ويتركنا ما كنا صرنا هيك. تركيبة غريبة عجيبة، بس هيي هيك.
عباس على سبيل المثال، خصاله وصفاته الكبير والصغير رح يلتفتلها من اليوم وطالع، لإنه صار فوق عم يضوّي، ما عاد فيك ما تشوفه. سبحان الله..
شاب متل وردة الغردينيا، حضوره بخليك تطمئن وتفرح، نيالنا عنا هيك أبطال.
بأمان الله يا طيّب..
عباس بلال منعم (ميرزا مهدي)
* حسين عمار
