يتطلع فيي ويبتسم ابتسامته المعهودة ويقلي أنت شو بعرفك؟
قبل كم يوم من استشهاده فات لعندي أعطاني دفتر قلي خليلي إياه معك. فضبّيت الدفتر. بعد ما سمعت خبر استشهاده تذكرت الدفتر فتحته وجدته خالي إلا من وصيته. كأنه كان حاسس إنّه اقترب الموعد.
بعد استشهاده شفته كذا مرة بعالم الرؤيا، كلّ الاحلام كانت تدور حول فكرة واحدة: بالمنام اسألو أنت هون؟ كيف؟ ما انت استشهدت كيف جيت؟ يتطلع فيي ويبتسم ابتسامته المعهودة ويقلي أنت شو بعرفك؟
بعض التفاصيل يمكن تكون كتير صغيرة، بس فيها كتير من الدروس والعبر بتخلينا نفهم ونتعلم ونشوف كيف المخلصين كانوا يعيشوا ويشتغلوا ويتعبوا ويضحوا. متل الشهيد علي الله أنعم عليه بالمال والجمال والعلم... كان قادر يعيش حياته بالطول والعرض. ويلي بده اياه بيقدر يحصل عليه، إلا انه كما ذكر بوصيته كان عم يفتش عالشهادة ورضى الله.
"فليشهد من عرفني أنّ الله (عزّوجل) قد أنعم عليّ بالمال والبنون وكل ما يتمناه المرء في هذه الدنيا الفانية، ألا إنّي والله شهيد على ما أقول قد طلّقت الدنيا شوقًا للقاء ربٍّ غفور كريم وقد بذلت مالي ونفسي في سبيله ورجوت أن يقبلني من الشّهداء".
الشهيد علي كان خير مثال لقوله تعالى: " إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ" .متل ما كان ذكي ومتفوق علينا بحياته وخلص كتير أمور بفترة قصيرة، كمان كان ذكي وتفوق علينا بختم حياته لأن الشهادة موت الأذكياء . ومتل ما كان أخ وسند وصديق إلنا بالدنيا، رح يكون شفيع إلنا يوم القيامة.
*صديق الشهيد
