علي وقته كان يتعبى بالتحضير، التحضير للقاء ربه..
عم يسألو عن نور وجهك يا علي..
بخبرهم؟ نور وجه حافظ القرآن..
علي الإبن البار الحنون اللي مسمي أمه 'سلطانة'..
والله يا علي اليوم خجلت فوت على غرفتك المليانة كتب وروايات عن الشهداء.. شو كنت تحب تقرأ يا علي..
بتخلصهم وبتعطيهم لإمك تقراهم وتحكو عنهم..
هالمرة أمك ح تقرأ هالكتب بروح تانية..
حتقراهم وهيي عارفة أنك بإيديك الطاهرة لمست هالصفحات وبفكرك الواعي تمعنت بهالكلمات..
علي الغيور الطاهر اللي عينه ما بتجي بعين بنت..
علي اللي لو فتشو ع اسمه، لا انستا لا فايسبوك، علي ما كان عنده وقت لهالإشياء..
وقته كان لإمه، خيّه، بيّه ورفاق دربه
علي وقته كان يتعبى بالتحضير، التحضير للقاء ربه..
أما انت يا علي فقد استرحت من هم الدنيا وغمها..
وبقينا نحن ل همها وغمها..
لو بتعرفوه لـ علي، علي اللي بغازل أمه متل حبيبته، بيقلها يا عمري ويا حبيبتي
علي اللي بيحكيلا شو مالو وجك يا امي، تقلو شو مالو، بيقلها تزدادين جمالاً
علي اللي بعمرنا ما سمعنا عنه الا كل خير
*ابنة خالة الشهيد علي ادريس سلمان
